MINISTER SURESH GUPI IN MORIGAON DISTRICT, ASSAM

মাননীয় মন্ত্ৰী সুৰেশ গোপী ডাঙৰীয়াই আজি মৰিগাঁও জিলা ভ্ৰমণৰ সময়ত অঞ্চলটোৰ উন্নয়ন আৰু কল্যাণৰ প্ৰতি চৰকাৰৰ দায়বদ্ধতাক আলোকপাত কৰা এক ধাৰাবাহিক উল্লেখযোগ্য কাৰ্য্যসূচীত লিপ্ত হয়। মন্ত্ৰী মহোদয়ে সমগ্ৰ মৰিগাঁও জিলাৰ কেইবাটাও উল্লেখযোগ্য স্থান পৰিদৰ্শন কৰে। মুৰৰবড়ী ৰাজহুৱা জল ব্যৱস্থাৰ পৰিদৰ্শন কৰি দিনটোৰ কাৰ্যসূচীআৰম্ভণি কৰে। ইয়াৰ পিছত মন্ত্ৰী মহোদয়ে মায়ংৰ কাসশিলা অঞ্চলটোৰ প্ৰাকৃতিক সম্পদ সুৰক্ষাৰ ওপৰত গুৰুত্ব আৰোপ কৰি ব্ৰহ্মপুত্ৰ নদীত নাওযোগে খহনীয়া বিৰোধী ব্যৱস্থাও পৰিদৰ্শন কৰে। পৰবৰ্তী সময়ত মন্ত্ৰী মহোদয়ে পবিতৰা অভয়াৰণ্যৰ লগতে কুমৈ কছাৰীগাঁৱত হিতাধিকাৰী জুনমনি কোঁৱৰৰ সৈতে মত বিনিময় কৰি প্ৰধানমন্ত্ৰী গৃহ নিৰ্মাণ আঁচনি ওপৰত আলোকপাত কৰে। মন্ত্ৰী মহোদয়ে শিশু আৰু মহিলাৰ স্বাস্থ্যসেৱা আৰু পুষ্টিৰ পদক্ষেপৰ ওপৰত গুৰুত্ব আৰোপ কৰি কুমৈ কছাৰীগাঁও অংগনবাড়ী কেন্দ্ৰ,অঞ্চলটোৰ ক্ৰীড়া উন্নয়নক প্ৰসাৰিত কৰি চাৰণ বিলৰ কয়াকিং আৰু কেন'ইং প্ৰশিক্ষণ কেন্দ্ৰও পৰিদৰ্শন কৰে। মন্ত্ৰী মহোদয়ৰ এই ভ্ৰমণৰ প্ৰধান কেন্দ্ৰবিন্দু আছিল চৰকাৰৰ উন্নয়নমূলক কাৰ্যসূচীৰ সুবিধাসমূহ তৃণমূল পৰ্যায়ত ফলপ্ৰসূভাৱে উপনীত হোৱাটো নিশ্চিত কৰা।তদুপৰি জিলা আয়ুক্ত চৌহদত মন্ত্ৰী মহোদয়ে গছ পুলি ৰোপণ কৰা লগতে ধঁপাতমুক্ত যুৱ অভিযান কাৰ্যসূচীৰ শুভাৰম্ভণি কৰে যি যুৱক-যুৱতীসকলৰ মাজত ধঁপাতৰ বিপদ ৰোধৰ বাবে এক উল্লেখযোগ্য পদক্ষেপ। তদুপৰি ধঁপাতমুক্ত ভৱিষ্যতৰ প্ৰতি ভাৰতৰ দায়বদ্ধতাক শক্তিশালী কৰি গণ স্বাক্ষৰ অভিযানৰ আয়োজন কৰা হৈছিল।স্থান পৰিদৰ্শন সম্পূৰ্ণ কৰাৰ পিছত মাননীয় মন্ত্ৰী সুৰেশ গোপী ডাঙৰীয়াই জিলা আয়ুক্তৰ সভাকক্ষত উপস্থিত হয়, য’ত তেওঁ জিলা প্ৰশাসনৰ উচ্চপদস্থ বিষয়াসকলৰ সৈতে এক উচ্চ পৰ্যায়ৰ বৈঠকত অংশগ্ৰহণ কৰে। এই বৈঠকত জিলা আয়ুক্ত দেৱাশীষ শৰ্মা ডাঙৰীয়া , আৰক্ষী অধীক্ষক হেমন্ত কুমাৰ দাস ডাঙৰীয়া , অতিৰিক্ত জিলা আয়ুক্তসকল, বিভিন্ন বিভাগৰ মুৰব্বী, আৰু অন্যান্য উচ্চপদস্থ বিষয়াকে ধৰি গুৰুত্বপূৰ্ণ বিষয়াসকল উপস্থিত থাকে। বৈঠকত মন্ত্ৰী ডাঙৰীয়াই বিশেষকৈ জিলাখনৰ গ্ৰামাঞ্চল আৰু দুৰ্গম অঞ্চলত চৰকাৰী আঁচনিসমূহৰ সুদক্ষ ৰূপায়ণ সুনিশ্চিত কৰাৰ গুৰুত্ব সন্দৰ্ভত আলোচনা কৰা হয়।তেওঁ জিলা বিষয়াসকলক প্ৰধানমন্ত্ৰী আৱাস যোজনা, স্বচ্ছ ভাৰত অভিযান, আৰু অন্যান্য কল্যাণমূলক কাৰ্যসূচীৰ অধীনত প্ৰকল্পসমূহ সময়মতে সম্পন্ন কৰাত মনোনিৱেশ কৰিবলৈ আহ্বান জনায়। বৈঠকৰ সামৰণিত মন্ত্ৰী মহোদয়ে জিলা প্ৰশাসন আৰু স্থানীয় প্ৰতিনিধিসকলৰ সহযোগিতামূলক প্ৰচেষ্টাক প্ৰশংসা কৰে। তেওঁ বিষয়াসকলক জনকেন্দ্ৰিক দৃষ্টিভংগী বজাই ৰাখিবলৈ আৰু মৰিগাঁও জিলাৰ সৰ্বাংগীন উন্নয়নৰ দিশত কাম কৰিবলৈ উৎসাহিত কৰে।