जिल्हा स्केटिंग स्पर्धा संपन्न , मीरारोड विजेते तर कल्याण उपविजेता , कल्याण :- रीजन्सी ग्रुप, स्केटिंग असोसिएशन ऑफ कल

जिल्हा स्केटिंग स्पर्धा संपन्न , मीरारोड विजेते तर कल्याण उपविजेता ,

कल्याण :- रीजन्सी ग्रुप, स्केटिंग असोसिएशन ऑफ कल्याण तालुका व स्पोर्ट्स केअर फाउंडेशन यांच्या संयुक्त विद्यमाने दुसरी जिल्हास्तरीय रीजन्सी ट्रॉफी - २०२२ ही स्केटिंग स्पर्धा दिनांक २२ मे रोजी शहाड च्या रीजन्सी अंटालिया येथे पार पडली. या स्पर्धेत मीरा रोडच्या स्केट लाइफ क्लबने १४० गुणांसह स्पर्धेचे विजेतेपद तर कल्याणच्या सागर क्लब ने ६५ गुणासह उपविजेतेपद पटकावले, बदलापूरच्या गार्गी क्लब ने ४० गुणांसह तृतीय क्रमांकावर समाधान मानावे लागले. ही स्पर्धा क्वाड, बिगीनर्स व इनलाइन या स्केटिंग प्रकारामध्ये घेण्यात आली होती. स्पर्धेच्या अंतिम पारितोषिक वितरण समारंभासाठी रीजन्सी ग्रुप चे डायरेक्टर विकी रुपचंदानी, ग्लोबल कॉलेजच्या प्राचार्य सुप्रिया नायकर हे उपस्थित होते. स्पर्धा यशस्वी करण्यासाठी गितेश वैद्य, देव गायकवाड - डोंबिवली , संतोष मिश्रा - मीरा-भाईंदर , संतोष चव्हाण, गणेश बागुल - बदलापूर, सागर कुलदीप, पवन ठाकूर, गुफरान शेख , दीपक कुलदीप , अपर्णा सेतुरमान सर्व कल्याण आदित्य निकाळजे टिटवाला, यांनी मेहनत घेतली तर या स्पर्धेचे आयोजन स्केटिंग सचिव अविनाश ओंबासे यांनी केले होते.