राज्यस्तरापर्यंत शालेय क्रीडा स्पर्धांच्या आयोजनास शासनाची मान्यता , कोविड- १९ प्रादुर्भावामुळे सन २०२०-२१ व २०२१ २२

राज्यस्तरापर्यंत शालेय क्रीडा स्पर्धांच्या आयोजनास शासनाची मान्यता ,

कोविड- १९ प्रादुर्भावामुळे सन २०२०-२१ व २०२१ २२ या कालावधीत शालेय क्रीडा स्पर्धांचे तालुकास्तर ते राष्ट्रीय स्तर आयोजन होऊ शकले नाही सन २०२२-२३ या वर्षात शालेय क्रीडा स्पर्धांचे आयोजन करण्यास शासनाने मान्यता प्रदान केली आहे. सन २०२२-२३ या वर्षात भारतीय शालेय खेळ महासंघ द्वारा राष्ट्रीय शालेय क्रीडा स्पर्धांच्या आयोजनाबाबत अनिश्चितता दिसून येत असल्याने राज्यातील विविध खेळ प्रकारातील खेळाडूंना विविध प्रकारांमध्ये राज्यस्तरापर्यंतच्या क्रीडा स्पर्धांमधील सहभागाची संधी उपलब्ध करून देण्यासाठी राज्यस्तरापर्यंतच्या शालेय क्रीडा स्पर्धांच्या आयोजनास शासनाने दिनांक १६ सप्टेंबर २०२२ रोजी मान्यता प्रदान केली आहे. सन २०२२-२३ मध्ये शासनाने मान्यता दिलेल्या नुसार एकूण ९३ खेळ प्रकारांचे आयोजन राज्यस्तरावर करण्यात येणार आहे या खेळांमध्ये पुढील खेळ प्रकारांचा समावेश आहे. अनुदानित व क्रीडा गुण सवलत अनुज्ञेय असलेले खेळ - आर्चरी, अथलेटिक्स, बॅडमिंटन, बॉल बैंडमिंटन, बेसबॉल, बास्केटबॉल. बॉक्सिंग, कॅरम, बुद्धिबळ, क्रिकेट, सायकलिंग, डॉजबॉल, तलवारबाजी, फुटबॉल, जिम्नॅस्टिक, हँडबॉल, हॉकी, ज्युदो, कबड्डी, कराटे, खो-खो, किक बॉक्सिंग, लॉन टेनिस, मल्लखांब, नेहरू हॉकी, नेटबॉल, रायफल शूटिंग, रोलबॉल, रोलर स्केटिंग व रोलर हॉकी, शूटिंगबॉल, शिकई मार्शल आर्ट, सॉफ्टबॉल, सुब्रतो मुखर्जी फुटबॉल, जलतरण व वॉटरपोलो, टेबल टेनिस, तायक्वांदो, थ्रोबॉल. व्हॉलीबॉल, वेटलिफ्टिंग, कुस्ती, वुशू, योगासन, रग्बी, मॉडर्न पेंटॅथलॉन, सेपक टकरा, सॉफ्ट टेनिस, आट्या-पाट्या

विना अनुदानित व क्रीडा गुण सवलत अनुज्ञेय नसलेले खेळ - आष्टे , डो आखाडा, युनिफाईट, कुडो, स्पीडबॉल, टेग सुडो, फिल्ड आर्चरी, मॉन्टेक्सबॉल क्रिकेट, मिनीगोल्फ, सुपर सेवन क्रिकेट, बेल्ट रेसलिंग, फ्लोअरबॉल, थायबॉक्सिंग, हाफकीडो बॉक्सिंग, रोप स्किपिंग, सिलमबम, वुडबॉल, टेनिस बॉल क्रिकेट, टेनिस व्हॉलीबॉल, थांग ता मार्शल आर्ट, कुराश. लगोरी, रस्सीखेच, पॉवरलिफ्टींग, बीच व्हॉलीबॉल, टार्गेटबॉल, टेनिस क्रिकेट, जित कुनै दो, फुटसाल. कॉर्फबॉल, टेबल सॉकर, हुप क्वॉन दो, युग मुन दो, वोवीनाम, ड्रॉप रोबॉल, ग्रॅपलिंग, पेन्टाक्यु, लंगडी, जंपरोप, स्पोर्ट डान्स, चॉकबॉल, चोंयक्वांदो, फुटबॉल टेनिस, बुडो मार्शल आर्ट, म्युझिकल चेअर तसेच वरील विना अनुदानित (४४) खेळांच्या एकविध खेळ संघटना यांनी जिल्हा क्रीडा अधिकारी कार्यालयाकडे संपर्क करून क्रीडा स्पर्धांच्या अयोजनासाठी आवश्यक कागदपत्रांची पुर्तता करणे, विहीत शुल्क जमा करुन स्पर्धांच्या आयोजनाचे नियोजन करावे. ज्या खेळाच्या (विना अनुदानित (४४) खेळांच्या) एकविध खेळ संघटना सदर बाबींची पुर्तता करणार नाहीत. त्या खेळाच्या क्रीडा स्पर्धांचे आयोजन केले जाणार नाही, याची संबंधित खेळ संघटनांनी नोंद घ्यावी. तालुका, जिल्हा व विभागीय स्तरावरील क्रीडा स्पर्धांचे आयोजन ऑनलाईन पध्दतीने करण्यात येत आहे अशी माहिती जिल्हा क्रीडा अधिकारी श्री सुहास व्हनमाने यांनी दिली.